Pu K Lalrinliana chuan, ZOFISFED-ten an thahnemngaihna leh tumruhna avanga Sangha chaw siamna khawl an din thei chu fakawm a tih thu a sawi a, hei hian phai atanga sangha chawkluh thin pawh engemaw chen a sutkian a beisei tih sawiin Sangha chaw siam na atana Andrapradesh leh State dang atanga vaimim lakluh pawh zawi zawiin a ziaawm zel dawn a kuthnathawktute pawhin Sangha chaw atana tha Pangbal leh vaimim chin uar tura chah in sum lakluhna tha tak a nih thu a sawi bawk.
Zawlnuama Fish Fed Mill Plant Site hi sq.mtrs 129.6 a zau a ni a, hetah tang hian nitin sangha chaw KG 2000 vel a her chhuak thei dawn a ni.
Inkhawm hi ZOFISFED Chairman Pu F.Lalnienga’n a kaihruai a hemi hnu hian Minister hian Zawlnuama Ice Plant leh Fish Seed Plant bakah Pangbalkawna Rice Mill hmun tur a tlawh nghal a ni.
