Zawlnuama Tourist Lodge hawn tak hi Rs. nuai 151.87 senga PWDin an sak a ni a, hetah hian mikhual thlen theihna Room 7, rihkhawmna, Choka, chawina Hall, khualchhawn room leh thil pawimawh dangte a awm a, hei hi mikhual thlen theih tura hman nghal a ni. Zawlnuam Sports Complex hawn tak pawh hi NEC sum Rs. nuai 415 senga siam a ni a, he complex-ah hian Football Ground bakah Paviilion, Hostel Room 6 leh inkhel enna Gallery a awm a. Basket Ball leh Volley Ball Court pawh siam tel a ni.
Govt. Zawlnuam College Multipurpose Hall thara inkhawm buatsaihah thu sawiin, Pu Robert Romawia Royte chuan, Langkaih ruam chu leilet, tuikhuah leh thlai chinna atana hmun \ha tamna a ni a, MNF kaihhruai sorkar hnuaiah inkal pawhna kawngpui a \ha chho mek a; mipuiten an zir a nih phawt chuan hmasawnna a in\an chho zel dawn a ni, a ti.
Sports Minister nibawk, Pu Robert Romawia Royte hian tukin khan Mamit Multipurpose Indoor Hall sakna tur lung a phum a. He Hall hi Rs. nuai 462 sengin Phase-I sak \an a ni ang a, a chhungah hian chhun zan zawmin Volley Ball, Basket Ball leh Futsal khelh theih tura ruahman a ni.
