Zirlai pass thar te lawmnpuina-ah thu sawiin MNF Sr. Vice President Pu Tawnluia’n thuneihna an chan chuan District an lo puan tawhte chu tihpuitlin vek a tiam

0
591
views

Zirlai pass thar te lawmnpuina-ah thu sawiin MNF Sr. Vice President Pu Tawnluia’n thuneihna an chan chuan District an lo puan tawhte chu tihpuitlin vek a tiam.

Vawiina MZP Headquarters Khawzawl in pawl 12 pass te lawmpuina inkhawm Zaingen Veng YMA Hall-a an buatsaih a hmanpuinaah a sawi a. Pu Tawnluia chuan, MNF in thuneihna an chan laia District 3 an puan zingah khawzawl chu a tel tih a sawi a, thu chauha puan ni lovin sorkar Gazette-ah tihchhuah a nih thu a sawi a, Congress sorkar chu ti puitling duh loah a puh a ni.

Pu Lalruatkima MLA chuan Khawzawl khawtlang \angrualin an enkawl Higher Secondary School enkawlna atana sorkarin kum khata Lump Sum Adhoc Grant-in-aid cheng nuai 1 vel chauh a pe chu a beitham hle nia sawiin sorkar tan khawtlang phurrit chhawkzan sak a hun tawh hle nia a hria thu a sawi. Pu Lalruatkima chuan, Mizoram leh Cachar ramri, Inner Line Reserve Forest sq.km 509 hre lovah Congress sorkar chu a puh a, nimin lama Innner Line Reserve Forest zirchiang tur ‘Core Committee’ din tak chungchangah congress sorkar chuan kum 2011 April ni 12 a Mizoram State Boundary Committee a din chu a ring zo lo em ni tih chu a zawhna a nih thu a sawi. Inkhawm hi MZP Hqrs. Khawzawl President JH Lalrinsanga’n a kaihruai a, MZP Gen Hqrs. Fin. Secy Andrew Lalramnghaka Fanai leh khawzawl Joint VC awih ten thu an sawi bawk.