Zirlai pawl pathum – Mizo Students’ Union, Aizawl City College Joint Students’ Union leh Hnampual zirlai pawl-in tun thla ni 10 hmaa zirlaite Study Tour, Excursion, Scholarship leh Stipend atan hman tur sum dah turin Sorkar an phut

0
467
views

Zirlai pawl pathum – Mizo Students’ Union, Aizawl City College Joint Students’ Union leh Hnampual zirlai pawl-in tun thla ni 10 hmaa zirlaite Study Tour, Excursion, Scholarship leh Stipend atan hman tur sum dah turin Sorkar an phut. An thil phut hi tihhlawhtlin a ni loh chuan Finance Minister leh Higher and Technical Education Minister chu nawr buai kher ngai lova an hna a\anga bang tur leh hemi atana sum dah a nih hma chuan Higher and Technical Education Director chu Pisa kai lo turin an ngen a ni. Heng zirlai pawl 3 aiawhte hian vawiin khan Aizawl Press Club-ah thuthar lakhawmtute kawmin, vawi tam tak an ngen hnuah pawh Mizoram Sorkar-in zirlaite zirna pui tura Study Tour leh Excursion neihna tur sum Budget-a dah duh lo chu n^ an tih thu an sawi a, sorkar kum liamta 2017-18 khan zirlaite Scholarship leh Stipend atan cheng nuai 41 dah a nih laiin cheng nuai 87 hman a ni an ti a, sorkar kum thar 2018-19 Budget-ah nikuma pawisa dah zat cheng nuai 41 chauh dah leh a ni chu beitham an tih thu leh hetianga daih lo tur tih hriat sa dah a ni chu zirlaite tham lohnaah an ngaih thu an sawi. Hemi chungchanga an lungawi lohna hi zirlai pawl pathum chuan nizan khan MSU Pisa puiah an ngaihtuah a, zirlaiten an zirna kaihhnawih atana an hman \angkai em em Study Tour leh Excursion neihna tur sum State Budget-a dah a ni lo leh Scholarship leh Stipent atana cheng nuai 41 dah a ni chu hriatthiam har an tih thu leh tun thla ni 10 ral hma ngeia Sorkar-in Study Tour leh Excursion neihna tur Rs. vbch 5 leh Scholarship leh Stipend atana Rs. vbch 1 a dah an phut thu te, Higher and Technical Education Director chu a thawh chhan zirlaite tan hna a thawk \ha tawk lo nia sawiin Sorkar-in Study Tour leh Excursion neihna tur sum a dah hma chu Pisa kai lo tura an ngen thu te, Sorkar-in tun thla ni 10 ral hmaa Study Tour leh Excursion neihna tur atan sum hi a dah lo a nih chuan zirlaite hmakhaw ngai lotu Finance Minister leh Higher and Technical Education Minister chu an mawhphurhna hlen zo lovah in ngai a, nawr buai kher ngai lova Minister an nihna a\anga chawl ngam tura an phut thu te leh zirna beihpui thlak mekah zirlaiten ham\hatna an chan zel theih nan zirna chhanchhuah beihpui thlak chhunzawm zel ni rawh se tih te Resolution an Pass a ni. MSU president, RB Lalmalsawma chuan, Central Service-ah Mizo zirlai tam zawk an inziah tlin theih nan MSU chuan kumin hi zirna uar kumah a puang tih a sawi a, hemi atan hian nasa taka hma an lak thu leh College zirlaite tana Quiz Competition an buatsaih \hin pawh neih mek a nih thu a sawi.

Zawhna chhangin zirlai pawl hruaitute chuan, College zirlaite zingah Study Tour leh Excursion tih ngei ngei ngai Department 6 an awm tih an sawi a. Chung zinga Department 5 – Geography, History, Political Science, Public Adminsutration leh Economics chu State pawna zinchhuah ngai a ni a, Mizo Department chu State pawn kher ni lo, Mizoram chhungah a zin theih avangin a hautak dan a nep deuh thu leh, hemi atan hian Sorkarin sum a dah ngai loh avangin College hotuten an theih ang anga sum an ruahman sak \hin thu te, chumi daih bak chu zirlaiten inhlawh chunga an thawh khawm \hin thute an sawi a. An thil phut hi tihhlawhtlin a nih loh chuan n^ taka nawr chhunzawm zel an tum thu pawh zirlai pawl hruaitute chuan an sawi a ni.