A hawnna inkhawm Zalen Chanchibu Editor, Pu Vanlalrema Vantawl kaihhruaiah hian Pu Lalchhandama Ralte chuan, MNF kaihhruai Sorkar tharin zirna tihhmasawnna tur ruahmanna a siam mek tih a sawi a, Mizo zirlaite zingah tum bulfuk tak neia lehkha zir an tam lo chu hlawhtlinna sang tak nei an tam loh chhan pakhat nia a ngaih thu sawiin, zirlaite chu an hmalam hun atan ruahmanna fel tak neih tum turin a chah a, thiante leh hmelhriate sikul kaina a nih avang zawm ve mai ching lo turte, midang subject lak ang a nih avanga la ve mai lo tur tea chahin, mahni thiam zawng leh tuina lam subject lak tum tur leh ram leh hnam tana an \angkai theih dan ber tur nia an hriat anga hun hmang turin a chah a ni.
He inkhawm kaihruaitu Zalen Chanchibu Editor, Pu Vanlalrema Vantawl chuan, Zirlai naupangte kumtawp exam zawha tih tur mumal nei lova an awm \hin chu thil \ha lo tak a nih avangin exam an zawh hnuah an hmalam huna an kawng zawh tur an thlan thiam theih nan hetiang programme hi buatsaih a ni tih a sawi a. Tun hma lama Edu Option an buatsaih \hin chu pawl 10 leh a chunglam pass-te tan deuh bik a ni a, tun \uma School Connect an buatsaih hi chu Middle leh High School zirlaite tana kawng kawhmuhna a ni zual deuh niin a sawi.
School Connect 2019 hi Zalen chanchinbu leh Lynchpin tangkawpin an buatsaih niin, naktuk thleng neih a ni dawn a. Hetih chhung hian Vanapa Hall-ah State hrang hranga zirna in \haa mithiamte chu biak rawn theih a ni dawn a, mithiam ten zirlai kalkhawmte seminar an neihpui \hin dawn bawk a ni.
