Zirlaite Study Tour leh Excursion neihna tur cheng vbch. 5 dah turin sorkar an dil mek tih Higher and Techincal Education Minister, Pu R. Romawia’n Zonet a hrilh

0
551
views

Zirlaite Study Tour leh Excursion neihna tur cheng vbch. 5 dah turin sorkar an dil mek tih Higher and Techincal Education Minister, Pu R. Romawia’n Zonet a hrilh. An dilna hi Finance Department a thleng tawh a, an nin engtin nge an bawhzui dawn hriat ni lo mah se, a hlawhtlin ngei beisei a ni tih a sawi. Pu R. Romawia chuan, UT hun lai khan zirlaite Study Tour leh Excursion neihna tur hi Budget-ah dah \hin a ni a, State puitling nih hnuah hei hi chhunzawm a ni lova, Polytechnic-a zirlaite chu an zirlai zo turin Study Tour hi neih ngei ngei a ngaih avangin dah sak an ni a, anni tih loh chu hemi atan hian sum dah a ni ngai lo niin a sawi. Zirlai pawl 3- Mizo Students’ Union, Aizawl City College Joint Students’ Union leh Hnampual zirlai pawl in tun thla ni 10 hmaa zirlaite Study Tour, Excursion, Scholarship leh Stipent atan sum dah tura Sorkar an phut chungchangah Zirlaite hian an thil phut hi tun hmain amah an la hriattir ngai lo niin a sawi a, tun hnaia an lungawi loh thu an puan bak hriat a neih loh thu sawiin Pu R. Romawia chuan, hemi chungchang hi a hriat ve leh an Department Director biain zirlaite thil phut chu thil tihawm tak a nih thu hrilhin, a bawhzui nghal turin a ti tih a sawi a, an ni hian zirlaite chu kawm nghalin, an phut ang zat chu Sorkar-in a pe thei lo a nih pawhin sum awm thei ang ang dil a nih tur thu an hrilh nghal tih a sawi a, Chief Minister leh Finance Minister a biak rawn hnuah an nin ti tura an tih angin cheng vbch 5 pe tura rawtna Finance Department-ah an thlen nghal tih a sawi. Higher and Techincal Education Minister chuan, Mizoram sorkarin \halaite tan khawvel thar siam turin hma a lak mek tih sawiin, infiamna lamah phei chuan a hlawhtlinna hmuh chhoh mek zel a ni, a ti a. Hemi kawnga hmalakna hi zirlaite nen zar zawm a nih ve theih nan \anlak a nih tur thu pawh a sawi a. Tuna zirlaite Study Tour leh Excursion neihna atan sum an dil hi lo hlawhtling ta pawh ni se, tun session kal lai mek atan hi chuan hman theih a ni dawn lova, academic session thara miten an chhawr \angkai thei dawn chauh tih a sawi. Puan tawh angin zirlai pawl 3- Mizo Students’ Union, Aizawl City College Joint Students’ Union leh Hnampual zirlai pawl chuan tun thla ni 10 hmaa zirlaite Study Tour, Excursion, Scholarship leh Stipent atan sum dah turin Sorkar an phut a, hei hi tihhlawhtlin a ni loh chuan Finance Minister leh Higher and Technical Education Minister chu nawr buai kher ngai lova an hna a\anga bang tur leh hemi atana sum dah a nih hma chuan Higher and Technical Education Director chu Pisa kai lo turin an lo ngen tawh a ni.