ZMC Covid 19 Laboratory-a coronavirus kai hmuh thar 23 zinga 22 te chu hnamdang force mi vek an ni a, Mizorama awm sipaite zinga hri kai hmuh chhuah chu 53 an tling tawh.

0
92
views

ZMC-ah nimin khan sample 333 endik a ni a, hri kai hmuh tharte hi Aizawl District atanga Sample dawn vek a ni a, an zinga pakhat chu hmeichia, kum 26 mi West Bengal atanga lo haw a ni a, a bak zawng chu sipai vek an ni a, Zokhawsanga awm Assam Rifles 15 leh Lungverha awm NDRF mi 7 an ni a, kum 27 atanga 51 inkar an ni.

Hri kai hmuh tharte nena Mizorama hri kai hmuh tawh zat chu 226 a tling ta a, vawiin lamah hri kai enkawl dam damdawi in atanga chhuah tir an awm lova, hri kai enkawl dam tawh chu mi 143 an tling tawh a, hri kai tawh zawng zawng atanga enkawl dam hi zaa 63.27 a ni. Hri kai enkawl mek 83 an awm a, Mizorama hri kai hmuh tawh zingah thi an la awm lo a ni.