ZNP President-in Mizoram MBBS seat hmuh zat tlem chhanah sorkar puh

0
379
views

ZNP President, Pu Lalduhoma’n Central Pool atanga Mizoramin MBBS seat a hmuh zat tihtlem a nih chungchangah Mizoram sorkar chu hnathawk chak tawk lovah a puh a. Vawiina an party chhungin inkhawmah he thu hi sawiin, MBBS seat hi Meghalaya hnenah seat 42, Nagaland seat 30 leh Arunachal Pradesh seat 24 pek a nih laiin nikuma Mizoramin seat a chan zat 25 chu 17-ah tihhniam a nih bakah Mizoramin seat a hmuhna College pawh College tha lo te te deuh vek a ni a, he thil hi sorkar laipuiah a rang thei ang bera thlen vat tur a nih laiin, Mizoram sorkar chu a ngawi leh ta vung vung mai nia sawiin, an lakah beisei tur a awm ta lo nia a hriat thu a sawi. Pu Lalduhoma chuan, MNF-in Economic Policy thar nia an sawi, SEDP chu thil thar engmah awm lo leh Party dang pahnih thawhpui chunga an lo tlakpui tawh hnu niin a sawi a, Congress sorkar pawhin NEDP chu vote zawn nan a hmang nia sawiin, NLUP nena a danglamna chu a hming chauh niin a sawi. Sem Policy leh ruihhlo-in mipuite thlarau nun a ei chhe mek a, hmeithai an pun zel avangin thawhrimna, rinawmna leh tih takzeta Lalpa lam hawi chu Mizoram damna tur a ni tih hriat thar a ngai a ni, a ti bawk.