Zobawk Group YMA pawhin Zobawka Lunglei District Park-ah Chapchar kut hi vawiin khan an hmang a, hetah hian Lunglei District High Power Committee Vice Chairman, Pu Lawmawma Tochhawng chu Kutpa a ni a, kut hmanna inkhawm hi Zobawk Group YMA Vice President, Pu R. Ramthianghlima’n a kaihruai a ni.

Thusawiin Kut Pa chuan hnam boral ni lo turin mahni hnam nun leh ziarang chi hrang hrang chawisana vawn nun zel a pawimawh a ni a ti a, Mizote zia leh Sakhuana \angkawpa Mizote hian mahni hnam nun an kalpui chuan hnam ropui tak an ni thei dawn niin a sawi a ni. Kut thupui Zofate inpumkhatna tih chu ngai pawimawha inpumkhatna leh inunauna \ha zawk siam tum turin kut hmangtute a fuih a ni. Lunglei District Park, Zobawka Chapchar Kut hmannaah hian YMA Branch 12 ten chanvo hrang hrang an nei a, Lunglei Photographer Association ten Leitlang Dingi leh Chapchar kut nauban an thlang bawk.