Pu Rosanga hian Zokhawsang hi vawiin khan a tlawh a, Assam Rifles hotute chuan an hmun thar tura an insawn luh theih rih loh chhan hi sipai ho chenna tur quarters sak zawh ala ni loh vang leh sak zawh tawhte pawh luah ngam lohva chhia tam tak a awm vang a ni tih an lo hrilh a ni.
Home Ministry chuan Assam Rifles te hi Aizawl khawpui laili a\anga May 31, 2019 hmaa insawn chhuak turin a lo hriattir tawh a ni.
Tun dinhmunah office building bik chu zaa 90 sak zawh tawh a nih thu leh sipaite chenna tur quarters zaa 60 sak zawh a nih tawh thu te, Bulding sak zawh loh te hi kumin April thlaah zawh fel theih an inbeisei thu leh Building sak zawh tawh zinga \ha lo lai tam tak sak siam\hat \ul engemawzat a awm thu te Assam Rifles hotute hian MP hi an lo hrilh a ni.
Zokhawsanga Assam Rifles hmunah hian Type-II quarters block 19 sak turah 16 sak zawh tawh a ni a, block thum sak mek a ni bawk a. Heng Building sak te hi a tira ruahman dan nen a inmil lo nasa hle tih Assam Rifles hotute hian an sawi a, an sak zawh tawh sa an hnena hlan chhawn an tum pawh an la lak ngam rih loh thu te, building thenkhat chu beam awm tura ruahman, awm ta silo pawh a awm nual thu te, Block tinah chenna In 16 awm tur a nih laiin \henkhatah chuan a kim loh thu te, sak zawh tawh ho pawh a chhawng chung ber chu tumahin an luah ngam loh thu leh lirnghing lakah a him lo nia an hriat thu te Assam Rifles hotute hian an sawi.
Pu Rosanga hian, sorkar leh mipuiten Assam Rifles te an hmun thara an insawn thuai chu an duh thu a sawi a, hetihlai hian Assam Rifles te awmna tur hmun hma leh Building sak hna thawktute hnathawh chu a lungawithlak loh hle a ni a ti a, harsatna thleng mek hi Union Home Minister hnehah a thlen tur thu a sawi.
