Zonet Cable TV Pvt. Ltd Managing Director ni \hin, Pu RK Lianzuala’n a thih hmaa Facebook kaltlanga thu a ziah hrang hrang dahkhawm, Tuk chhuah num le – 1 chu zanin dar 8 hian Aizawl Vanapa Hall-ah tlangzarh a ni dawn.

Vawiin hi Pu RK Lianzuala piancham vawi 53-na a ni a, a lehkhabu buatsaih pawh hi hemi puala tlangzarh tura tih niin, a tlangzarhna inkhawm hi Zonet-a thupuangtu ni \hin, AMC Councillor nita, Nl. Zonunsangi Fanai-in a kaihruai ang a, Pu RK Lianzuala \hian hnaite zinga mi, hun rei tak a lo thawhpui tawh ni bawk, Pu Biak Thansanga’n lehkhabu hi a tlangzarh dawn a ni. He lehkhabu buatsaih a nih dan hi Lalnun\awma Fanai-in a sawi ang a, Pu PL Liandinga’n lehkha thlirlawkna a nei dawn a ni.

He lehkhabu hi chi 2-a siam niin, a kawm chhah chi chu pakhat Rs. 500 leh a kawm pan pakhat Rs. 300 man a ni dawn a. Zanina a tlangzarhnaah hian aman tlawma hralhchhuah a ni dawn a ni.