ZONET reporter K Lalhruaitluanga chuan vawiin khan Mosolman Biak In sakna hmun hi a tlawh a, Mosolman biak in sakna bul maiah hian Assam Police silai keng te leh Mizoram Police silai keng te an duty ve ve a, Pathianni zing lam thleng khan biak in sak hna hnathawktute hian hna an la thawk a, an hmanruate pawh an la hnutchhiah bakah Biak In sakna tur atana motor kawngpui, National Highway-a thawhlawm an khawn pawh a ngaiin an la chhunzawm a ni.
Hetihlai hian Kolasib DFO Pu Laltlanhlua Zathang hnen a\anga ZONET thudawn danin mosolman biak in sak hna chawlhsan tura hriattirna hi nizan dar 8:30 vel khan Mosolman Biak In secretary hnenah pek a ni a, an lehkhaah hian an Biak In sakna chu reserve forest a nih avangin Forest Conservation Act kalh a nih thu an hriattir a, an hna kal lai chu chawlhsan a, an hmanraw chhawp te pawh dah sawn turin an ti a ni.
Mosolman Biak In sak chawlhsan tura hriattirna pek hi ramri chungchang ngaihtuahtu tura Mizoram sorkarin a din core Committee-in a rel bawhzuina a ni a. Chief Secretary Pu Lalnunmawia Chuaungo hova tun thla ni 6-a \hukhawm Core Committee hian Mosolman biak in sak hi ti tawp tura hriattirna pek anih hnuah hmalakna a awm lo a ni chuan Home Minister ho a sawiho in police lam leh forest department \angkawpin Mosolman Biak In thiah a nih theih nan hmala se tiin thu an dah a ni.
