Zoram Defence Organisation din a ni

0
262
views

Kawng hrang hranga Mizoram leh hnam humhalh a, venghimtu tur tlawmngai pawl thar, Zoram Defence Organisation din a ni tih puan a ni. An pawl President, Pu K. Vanlalvena chuan he pawl hi Nilainia mi \hahnemngai kalkhawmin an din a nih thu Aizawl Press Club-ah thuthar lakhawmtute a hrilh a, an thil tum leh hmalakna tuipuitute tan zawm theih reng an nih thu te, District Capital tinah District Headquarters din theih a nih thu leh Village Council leh Local Council Area tinah Branch din theih a nih thu a sawi. Zoram Defence Organisation hruaitute chuan Mizo lal Suakpuilala leh British sorkar-in ramri an lo siam tawh ‘1875 Inner Line Boundary’ chu Mizoram leh Assam ramri a nih leh theih nana hmalak chu an thil tum ber a nih thu an sawi. Hei bakah hian Inner Line Regulation 1873 chu Zofate humhimna atana siam a nih angin a taka hman a nih theih nana hmalak te, India ram hmun hrang hranga cheng Zofate rorelna pakhat hnuaia an awm theihna tura hmalak te, chhinlung chhuak Zofa hnam hrang hrangte humhalh a, inpumkhatna \ha an neih zel theihna atana hmalak te, ei leh bara hnam dangin an chim ral loh nana hmalak te, hnam chimralna kawng hrang hrang laka Zofate humhalh tur leh Zofate chu Pathianin a din chhan ang ngeia Mizoram leh hnam a awm zel theih nana hmalak chu an thil tum a nih thu an sawi.

Zonet zawhna chhangin, Zoram Defence Organisation hruaitute chuan, an pawl chu tlawmngai pawl, Mizoram leh hnam \hatna tura hnathawk tur a nih angin Politics nen inhnamhnawihna an neih loh thu leh an pawl thil tum chu Politics nen inkaihhnawihna nei ni mah se, Poltics nen zar zawm tur a nih loh thu an sawi a, tunhnaiah MZP hmalakna avangin Inner Line Forest Reserved Area-a dan lova hmalakna a awm leh awm loh enfiah a ni chu thil \ha tak a nih rualin Inner Line Forest Reserved Area Square Miles 509 a zau chu Mizoram chhung ngei a ni tih chu an ngaihdan a nih thu leh he ram hi Mizorama rin lut tura hmalak chu an thil tum a nih thu pawh an sawi a ni. Hemi atana hma an laknaah Assam ramri depa awm khaw hrang hrangah Branch din tura chak lehzuala hmalak an tum thu an sawi bawk.