Lawngtlai District MJA President, Pu ZD Dengngura kaihhruai inzirtirna-ah hian Zoram Energy Development Agency Director, Pu David Ramnunsanga chuan sik leh sa danglam zel avanga khaw lum chho zel veng turin ni zung chakna hmanga power siam chhuah hman uar sorkarin a ngaipawimawh tih a sawi a, Mizoram sorkar building te chu ni zung chakna hmanga power siam chhuah hmang vek tura hmalak a ni tih a sawi.
In chung hmun awl hmang \angkaia ni zung chakna hmanga power siamchhuah, Rooftop Solar Programme chungchang mithiamten sawifiahin he ruahmanna hnuaiah hian ni zung chakna a\anga siam chhuah power chu electric supply pangngai nena kalkawpa hman tur a nih thu te, hei hian electric bill a tih hniam bakah power hman sen loh chu sorkar in a lei let sak \hin thu te an sawi a, ni zung chakna lakna tur hmanruate chu a man pangngai a\anga zaa 70-a tlawmin kumin June thla thleng pek theih a ni tih an sawi.
