Champhai Vengthlang YMA Run-a inkhawm an buatsaihah khaw hrang hrang atanga kalkhawmte nen an inkawm honaah Zofate Inpumkhatna atan rorelna inpui “Zofate Lairelna” tia an vuah chu din an rel a. Champhai District Zofate Lairelna Hruaitu turte an ruat nghal a ni. Champhaiah hian thuthar lakhawmtute an kawmnaah Rev. Dr. Zaichhawna Hlawndo chuan Zofate’n hnam-a chianna tur leh ramri humhalh tur mumal pawh an la nei lo tih a sawi a, hnam nihna-a mi zawng zawng an chian vek hnuah ramri chu a chiang tawh mai dawn a ni a ti a. politics dik tak Pathian Lal ram politics chu an pawl kalpui a nih thu a sawi. Khawzawlah pawh inkawm hona hi an buatsaih a ni.
