Tunhnaia New York-a neih zawh tak, UN General Meeting chhimtu zinga mi Rev Dr Zaichhawna Hlawndo hian vawiin khan Aizawlah chanchinbumite kawmin an hmalak dante a hrilhfiah a, UN Assembly ah hian ram hrang hrang hruaitu remchang apiangte hnenah Zofate chanchin ziakna lehkha a pek thu te, zofaten an nihna leh an chanvo dik tak an chan theihna tura thlawp tur leh thurawn te pe tura a ngen thu te a sawi a. UN Headquarters lama thawk \henkhat pawh hmuin, biak chhunzawm theih tura tihfel nghal engemawzat a nei tih a sawi.
Pu Zaichhawna hian Pathian hnam thlan, Zofate an in pum khat a, chibing indaidanna zawng zawng te \hiata, Sakhuana leh politics hmanga indonate bansan a \ul tih a sawi a, khawvel hmasawnna thupui khel chu sawi loh, mahni nihna ang pawha Mizote hnama chhiar an la ni ve lo chu pawi a tih thu sawiin, Zofate hmalam panna tur hmabak a kovin chona a lian hle a ni a ti. Pu Zaichhawna hian nakum hian UN General meeting-ah India ram dinhmun thlirlet tur a nih avangin he hun hi Zofate tan hun pawimawh tak a ni dawn a ni a ti bawk.
