Zoramthar President, Pu Zaichhawna Hlawndo chuan kumin kum tawp lama Mizoram Assembly inthlanna neih atanga sorkar thar lo piang tur chu Israel ram nena thawhdunna \ha tak nei thei tur a ni dawn niin a sawi

0
243
views

Zoramthar President, Pu Zaichhawna Hlawndo chuan kumin kum tawp lama Mizoram Assembly inthlanna neih a\anga sorkar thar lo piang tur chu Israel ram nena thawhdunna \ha tak neia Mizoram Politics dinhmun leh Economic dinhmun nasa taka siam \ha thei tur a ni dawn niin a sawi. Amah leh Zoramthar Pawl hruaitu mi 15-ten tun hnaia Israel ram tlawha Israel ram sorkar leh sakhaw hruaitute an dawr dan chanchin nimin khan Chaltlanga an Pawl Zawlbukah sawiin Pu Zaichhawna Hlawndo chuan Zofaten Jordan lui k^na Kanan ram an luh dawn tawh chhinchhiah nan Kross sen, “I Lal ram lo thleng rawh se” tih Mizo \awng leh Hebrai \awnga ziah chu phunin hunserh an hmang a, an Kross phun leh hunserh an hman chu Jordan lui Baptistmal Site Authority remtihna la hmasa veka an tih niin a sawia, an zin chhung hian Israel ram Prime Minister Pu Netanyahu hnenah Israel ram Independence lawmpuina lehkha an thawna, Commonwealth of Israel Chairman leh Founder Yadav Abrahami te, Rabi Abraham Feld te kawmin thawkhova, Mizoram Economic dinhmun siam \hat dan tur chungchang an sawi pui a, an ni pawh an phur hle a, indawr tawn zel turin thu an thlung niin a sawi a ni. Zoram Thar hruaitute hi zirtawpni kalta khan Mizoram People Forum hruaitute chuan Chaltlanga Zawlbukah kawmin kumin kum tawp lama Mizoram Assembly inthlanna neih huna inthlanna dik, felfai leh muanawm neih theih dan tur an sawipui a ni.An inkawmnaah hian Pu Zaichhawna Hlawndo chuan inthlanna felfai leh thianghlim nei tura an inbuatsaih thute, Assembly bial tinah Lalpa tana bawm hungtu an nei dawn tih MPF hruaitute chu a hrilh a ni.