CEO hmutute hi ZPM Steering Committee Sr. Vice Chairman, Dr. Kenneth Chawngliana leh hruaitu dang engemawzat an ni a, Dr. Kenneth Chawngliana chuan, inthlan a hnaih tawh avangin inpuhchhiatna a tam hle tih sawiin, ZPM-in engtikah mah an thawhpui loh tur BJP chhinchhiahna leh an Chief Minister Candidate dah dun a, MNF lamin lehkha an sem chiam mai chu an hrethiam lo hle tih sawiin, a \ul anga chhuichian sak turin CEO chu a ngen a, CEO chuan hei hi thil \ha lo tak a ni tih sawiin, bawhzui a nih theih nan hetiang thil buaipui tura ruat Additional CEO, Pu Krishna Mohan Uppu hmu turin ZPM hruaitute chu a ngen a, CEO-in a ngen angin ZPM hruaitute hian Addl. CEO chu hmuin MNF lehkha thehdarh chungchang chu chhui chianga a \ul anga hmalak sak turin an ngen a ni. Addl. CEO chuan ZPM-te thil ngen chu a \ul anga bawhzui a nih tur thu lo hrilhin, hetiang lehkha siam tur hian MNF chuan phalna an nei em tih thlenga chhui chian a nih tur thu a lo hrilh a ni.
Addl. CEO an hmuh zawha thuthar lakhawmtute zawhna chhangin ZPM General Secretary, Pu James C. Lalnuntluanga chuan, he thil hi a \ul anga bawhzui zel an tum thu a sawi a. Inthlan a hnaih tawh avangin thil hoteah hmingchhiat theih a nih avangin mipuite chu ZPM General Headquarters thu leh hla lo chu awih lo turin a ngen a ni.
