Vawiina an party chhung inkhawmah Pu Lalmuanpuia Punte hian, MNF chu Nationalism kalpuitu Party inti chunga vai an hlauh dan chu thil mak tak a tliang a ni, a ti a. Union Home Minister-in Mizoram a lo tlawh khan Citizenshp Amendment Bill campaign tura lo kal a ni a, a lo kal chhan nia sawi North East Handloom and Handicraft Exhibition pawh kha NEC-in chawpchilh taka an dun a ni tih sawiin, Meghalaya leh Nagaland Chief Minister chuan an state-a CAB campaign neih an tum hi a la hma lutuk nia ngaiin an phal lova, BJP-in thuneihna a channa ngei Assam leh Arunachal Pradesh pawhin an hnial fithla \hak tih sawiin, Mizoram chu hnial ngam lo awmchhun a ni tih sawi. Pu Lalmuanpuia Punte chuan, tunah hian Mizoram sorkar-in sum a nei lova, sorkar hotute an mangang hle tih sawiin, MLA Fund pawh nuai 30 vel bak pekchhah ala ni lova, Union Home Minister hnenah hian sum an sawi chhuah theih hlauh beiseiin Mizoram sorkar chuan CAB Campaign neih turin Union Home Minister hi an hnial ngam lova, pawisa an um lutukna lama hnam himna tur an zuar chu thil \ha lo tak a ni, a ti. Pu Lalmuanpuia Punte chuan phuahchawp taka NEC-in North East Handloom and Handicraft Exhibition a buatsaih hi CAB campaign nan liau liau-a buatsaih a nih thu leh Union Home Minister pawhin CAB hi Mizo mipuiten an duh loh thu a hriat acangin ILP lamah a \uan ta nia a lan thu a sawi.
ZPM Consultant Pu F. Rodingliana pawhin, Mizorama sorkar-na siam tawhten mipui sorkar ni lovin Party sorkar an din \hin a, hei hi Politics-in a tum a nih loh avangin ZPM-in kalphung thar a sawi \hin hi Mizoram-in a mamawh tih a tilang chiang hle a ni, a ti a. Tun dinhmunah hian Mizoram khaichhuak turin ZPM bak mipui innghahna an awm loh avangin theihtawp chhuaha hma an lak a ngai a. Mahni inngaihtuah hman an ni lova, inthlan leh lam pawh ni lovin chhuan lo la awm zel tur thlir chunga hma an lak a ngai takzet a, Pathian-in a Lal ram tung ding duhte tan kawng a hawn sak ngei a rin thu a sawi.
He inkhawm hi ZPM General Secretary, Pu B. Lalchhanzova’n a kaihruai a, tun thla ni 8 leh ni 9-a ‘Kalphung Thar Beihpui’ thlak nana Favang Campaign an neih tur chu Mizoram siam\ha turin ZPM chuan tha thlah lovin a bei reng tih mipui hriattirna tur a ni tih a sawi.
