Inrinnia Assam Forest Department-in Lailapur bula an hmun hlui an chei\ha lai Mizo mipuiten an thlir liam ringawt leh he Building an luah zui chu a thanat thlak a, hei hian Sorkar chak loh zia a tarlang a ni, a ti. ZPM \halai chuan, nikum lama MZP ten Zophai hmuna Zofate Chawlhbuk an sak avanga buaina a chhuah \uma khatih laia eptu MLA leh MNF Party hruaitute, rang tak a hmun thleng thla, Mizoram ramri humhalh an tum thu sawituten thuneihna an chan hnu, tuna buainaah hian a hmuna kala enfiah peih pawh awm ta lo chu a hrilhhai thlak hle a ni, an ti a. Assam sorkar hmalakna chu Mizoram chhung a nih thu Minister ten tapchhak zawla an puang ta lek chu zahthlak an tih thu an sawi a ni.
ZPM \halai chuan ramri chungchanga Mizoram Sorkar hmalakna chu an thlir reng dawn tih sawiin, ramri humhalh chungchangah Sorkar-in thapui chhuah a tum a nih ngat chuan theihtawpa \anpui an inhuam a, ngawihbopui a tum a nih erawh chuan na takin an nawr zel dawn tih an sawi.
