ZPM-in MNF President, Pu Zoramthanga’n ZNP leh MPC chu BJP kaihhruai NDA leh NEDA a la tel ve reng leh a hnuah pawh tel ve zel dil thar anga a puh chu thu dik lo a nih thu leh he thil hi MP leh MLA Bye Election neih tura mipui rilru pawh pen tumna nia an hriat thu an sawi.

0
222
views

Thuchhuah an siamah ZPM chuan, lang leh mai tur leh belhchian dawl lo taka chinchang hre lo zawka ngaih mipuite thu dik tawk lo hmanga Chief Minister meuhin bum a tum chu vanduai thlak ah tih thu an sawi a, Congress kaihhruai UPA-in Central leh Mizorama Sorkarna an chelh lai, 2014 khan MP inthlan dawnah Opposition Party zawng zawng, ZNP, MPC, MDF, MNF chu \ang hovin Candidate pakhat an thlawp a, he inthlanah hian BJP kaihhruai NDA-in sorkar a siam tak avangin ZNP pawh NDA ah an tel chhunzawm a. MPC phei chu NDA ah hian an tel lo hrim hrim nia sawiin, hetiang a nih mek lai hian Sorkar chuan Uniform Civil Code te, Bawngtalh khap te, Yoga leh thil dang dang Kristianna nena inkalh thil a kalpui tak avangin ZNP chuan tel zelna tlakah ngai lovin an inhnukdawk a. Chumai ni lovin, BJP leh NDA chu a do a do ngai a ni tih an hriat vangin kum 2016 July ni 8 khan NDA a\angin an inhnukdawk niin an sawi.

Hetiang hi thil awm dan a nih mek laia Assembly Budget Session neih zawh takah Chief Minister meuhin thudik tawk lo sawi a, ZPM leh MPC te NDA a lo tel ve anga a puh chu \ha lo an tih thu sawiin, MNF chu BJP thlawptu zingah an tel tih chiang takin mipuiin an hria a, hemi thup nana rem leh rem lova midang mawhpuh \alh tum chu sim tawh tura an duh thu sawiin, BJP chuan Citizenship Amendment Bill tihpuitlin a tum bakah, One Country One Reliigion an aupui tihpuitlin nana Uniform Civil Code kalpui tum mek tu a ni avangin hnawl ngam \ul an tih thu ZPM chuan an sawi.