ZPM Leader, Pu Lalduhoma’n Party pakhata inchhun khawm chu an pawl hmalakna hmasa a ni dawn tih a sawi.

0
298
views

Vawiina an pawl chhung inkhawmah he thu hi sawiin, Pu Lalduhoma chuan, inthlan a zawh tawh avangin ZPM tih tur hmasa chu an kal zel dan tur rel fel a ni a, tunah hian inkaihhruaina dan, Constitution thar an nei tawh a, hei hi a zavaiin hmang vek thei rih lo mah se, a theih chin chinah an hman a ngai tawh dawn a ni, a ti. Pu Lalduhoma chuan, an hotuten ruahmanna an lo siam tawh angin Party pakhata inchhun khawm chu an hna hmasa a ni dawn tih sawiin, hemi chungchang ngaihtuah tur hian Executive Committee pawh an \hutkhawm thuai beisei a ni a ti a. An kal zelna turah an mamawh chu inpumkhatna a ni a, tunhma inpumkhat taka an lo kal tawh \hin ang khan hun lo kal zel turah pawh inpumkhatna \ha an neih ngei a beisei tih a sawi a. An mi leh sate chu tun a\anga an ngaihtuahnaah engtin nge inpumkhat thei ang bera an awm ang tih ngaihtuah turin a chah a ni.

An pawl kal zel dan tur chu Party dangin an relpui a ngai lo tih sawiin, Pu Lalduhoma chuan, an kal zel dan tur chu an pawl Executive Committee kuta awm a ni a, Party dangin lo sawi ve tur an nei lo tih sawiin, an kal zel dan tur chu a rel tura ruatten an rel mai dawn a ni, a ti. Pawl reng reng Committee thu zela kal a ni a, an kal tawhna pawh Committee thua kal an ni a, an kal leh zelna tur pawh Committee thu a ni dawn a, tu emaw mimal thuin an pawl chu a kal lo tih hre turin a chah bawk.

ZPM Leader chuan, Lok Sabha leh Aizawl West I bial Bye Election neih zawh taka \angrual pawl Candidate-te chu chhuanawm a tih thu sawiin, tling ngei tura theihtawp chhuaha an beihna chu fakawm a tih thu a sawi a. Eng result pawh lo thleng se, theihtawp chhuaha an beih hnua Pathian remruat chu pawm thiam tura inbuatsaih a ngai a ni, a ti a. Hunin a her chhuahpui anga thu inchuh leh ngaihdan neih chang a awm \hin nia sawiin, Pu Lalduhoma chuan, thawh ho \ul chang a awm a, indo chang a awm a, an inbei zo hlawl a, an thawk ho leh a, chutiang reng reng chuan politics-ah an kal \hin niin a sawi a, MNF-te pawh thil thleng a zirin an lo khawsa ve tawh \hin nia sawiin, Independent sawi mawi hun an nei a, Mizoram chu India ram bung khat a ni tih hun an nei ve leh tho niin a sawi. He inkhawm hi ZPM Steering Committee Chairman, Upa Lalliansawta’n a kaihruai a, Aizawl West-I biala Independent Candidate Pu Lalbuanga Sailo pawhin thu a sawi bawk.