|angrual Pawl, ZPM Secretary General, Pu K. Sapdanga’n kumin kumtawpa Assembly inthlanpui neih hunah mipuiten thatchhiat inzirtir zel nge, taimak inzirtir an duh tih buk a ni dawn tih vawiina an party chhung inkhawmah a sawi a. Mizoramin inthlan a hmachhawn tur chu inthlanna danglam tak a ni dawn tih sawiin, thatchhiat inzirtir \ha zawka ring pawl pahnih an awm a, pakhat zawk chuan cheng nuai khat pawisa faiin an sem a, a dang leh chuan cheng nuai thum sem \ulin an ring a, taimak inzirtir \ha zawka ringtute chu pawl pasarih lai \angrual an ni tih sawiin, chung mite chuan mipui hnenah sumfai a thlawna sem an tiam ve lo a, mipuite chu chem leh tuthlawh an kawhhmuh a, sawhthing ching turin thurawn an pe tih a sawi. Pu K. Sapdanga chuan, pawl pasarih \angrualte chuan sawhthing thar hunah quintal khat cheng 5,000 zela leina tur budget-ah pawisa an dah dawn nia sawiin, he duhthlanna buk hun atan hian mipuiten an rilru an siam fel tawh tih a lang thei niin a sawi a, kum nga chhunga cheng nuai khat emaw a tahtawla dawn ai chuan, sawhthing quintal 50 lek pawh thar se, kum tin cheng nuai 2 leh sing 5 an nei thei tih hriain chu chu mipuiten vote chhuah an tum tawh niin a sawi.
Tangrual pawl a sorkar hunah chuan kar lovah Aizawl khawpui a thawl hawk dawn nia sawiin ZPM Secretary General chuan, mipuiten Aizawla mi in luah chunga ni tin inhlawhna zawn ai chuan, mahni khaw lama Sawhthing hmun siam an duh tawh zawk dawn avangin Aizawl a thawl phah dawn a ni, a ti a. Thuneihna an chang a nih pawh chuan Mizoram chu kum 5 chhunga kawlphethaa intodelh tir an tum tih a sawi bawk. He inkhawm hi ZPM General Secretary, Pu C. Lalvuana’n a kaihhruai a ni.
