Vawiina ZPM chhung inkhawmah he thu hi a sawi a, Education Minister Pu Lalchhandama Ralte-in Federation of Mizoram Govt School Teachers “FMGST Conference-a hmanpui \uma a thusawiah zirtirtu sangkhat dawn sorkarin lak a tum thu sawiin, hei hi MPSC-a pe lovin contract leh muster roll-a lak an tum thu a sawi a ni a ti a, hei hi Party mite chauh duhsak tumna niin Dr Keneth Chawngliana chuan a sawi a, MPSC palzutna leh ualau taka an thuneihna chhuhsak tumna a ni a ti.
Dr.Kenneth Chawngliana hian amah pawh Congress leh MNF sorkar chhungin MPSC Member a lo ni ve tawh tih a sawi a, MNF sorkar hotute chu MPSC hnathawha inrawlh tum fovah a puh a, khatih hunlaia MPSC Chairman Pu M.Lalmanzuala hova dikna an kenkawh tlat avangin tumah an inrawlh thei lo zawk niin a sawi.
