ZPM thalaiin National Bamboo Mission hnuaia Mizoram Sorkar-in cheng nuai 792 a dawn chu eng atan nge hman nge tih sawifiah turin sorkar an phut.

0
8
views

ZPM thalai hian nikum May ni 3 khan Sorkar laipui Agriculture & Farmers Welfare Ministry hnuaia Under Secretary, Harit Kumar Shakya chuan State tina State Bamboo Mission Director hnenah kum 2019-20 chhunga National Bamboo Mission kalpuina atan sum pek tur pawmpui zat hriatttirna a tichhuak a, he hmalakna hnuaiah hian raw hmun siamna tur te, a sawngbawlna tur leh Industry chawi sanna atan Mizoram sorkar hnenah pawh cheng nuai 792 pek a ni a, hemi atan hian State sorkar-in zaa sawm a tum ve a ngaih thu tarlan a ni, an ti a.

Kum 2019-20 chhunga hnathawh nan National Bamboo Mission kaltlang hian Mizoram State Bamboo Mission-in sum thahnem tak a dawng a, heng sum dawn atang hian cheng engzat ngen hman a nih tawh a, eng atana hman nge a nih tih sawifiah turin MNF kaihhruai Mizoram Sorkar chu an zawt a. Kumin March thla tira Hmunpui rama Model Bamboo Plantation-a raw ching tura Lengpui khaw mi 126 leh Hmunpui khaw mi 100-te lo vahna tur cheng sing khat leh mangkhawhna tur cheng 2,500 theuh Sorkar-in a pek kha State Bamboo Mission atanga pek nge, SEDP atanga pek sawichiang turin ZPM Thalai hian an phut bawk.

Mizoram Sorkar-in State Bamboo Mission a kalpui danah National Bamboo Mission thil tum paruk zinga a hmasa Mau leh Rua hmun siamnaah ram ngaw tichereu lova mimal leh sorkar rama siam tur a ni tih chu zawm a nih leh nih loh an zawt a, National Bamboo Mission kaltlanga sum hmuh leh hman dan hi ZPM thalai chuan an chhuizui zel dawn tih an sawi.