Tun thla ni 18, kar kalta Zirtawpni a\anga 132KV Zuangtui Sub Station a\anga 132KV Serchhip Bukpui Sub Station-a kawlphetha pekna hruipuia thil dik lo awm chu nizan dar 10:10 khan siam\hat a ni leh ta a, Zoram chhim lama district pali, Serchhip, Lunglei, Lawngtlai leh Siaha te chu a pangngaia kawlphetha pek leh a ni tawh a ni. ZONET zawhna chhangin Power Deptt. hotute chuan he kawlphetha pekna hruipui dip zaptu thing leh mau thenfai hna kar kalta Zirtawpni khan hmun hrang hrangah an thawk niin an sawi a, hnathawh theih nan he line-ah hian kawlphetha pek a ni lova, hnathawh zawh hnua he line-a kawlphetha pek leh dawnin thil dik lo a awm tih hmuh chhuah a ni a, hei hi zawng chhuaka siam dik leh turin chhun leh zan zawma hnathawh nghal a ni a, hmun hrang hrang pakua, Zemabawk \awng\aina bul, Tuirial bul, Thingsul thlanmual bul, Tlungvel quarry chung, Baktawng chuan hnuai, Baktawng chan in bul, Buhkangkawn chung, Chhingchhipa Hmun\ha peng bul leh Chhingchhip Thinghmunkawnah te disc insulator thlak a ni a, hemi hnu hian he line ni 6 chhung chhia chu siam\hat a ni leh ta niin an sawi a ni.
