MNF Sr Vice President Pu Tawnluia’n ram hruaitu thenkhatin hnam tana martar te benghniam zawnga thu an sawi thin chu an ngaithiam lo hle tih leh enliam mai an tum lo tih a sawi

0
407
views

MNF Sr Vice President Pu Tawnluia’n ram hruaitu thenkhatin hnam tana martar te benghniam zawnga thu an sawi \hin chu an ngaithiam lo hle tih sawiin enliam mai an tum lo tih a sawi. MNF in zalenna a sual laia martar mi pathum-te ruhro, Martarte thlanmuala zalh tur te lo hmuahna inkhawm vawiina an party office Aizawla neihah thu sawiin Pu Tawnluia chuan, ram leh hnam tana nunna hlantute chu Zoram mipui leh MNF in a ngaihlu a, an taksa awm tawh lo mah se mipui thinlungah an nung reng a, hnam meichher chhi engtute an ni a ti. Pu Tawnluia chuan, tun dinhmunah martar te tana an tih theih tawk chu zahna leh chawimawina lantir a nih thu sawiin an ropuina beng hniam zawnga ramhruaitu thenkhatin thu an sawi thin chu an ngaihthiam lo hle tih a sawi.

MNF in zalenna a sual laia thi te ruhro vawiina hnam run thlenpui te hi Laldawngliana N.Khawdungsei; Sangkunga, Khawbel leh Lalbuana Tualte khua te an ni a, ruhro dang an lakkhawm nen Luangmuala Martarte thlanmualah zalh an ni ang.