13th Finance Commission atanga lirthei leina atan sum hmuh chu Mizorama Agent-ten vanduaina an tawh avangin an la supply thei rih lo – Health Minister

0
442
views

Health Minister, Pu Lal Thanzara’n 13th Finance Commission a\anga lirthei leina atan sum hmuh chu Mizorama Agent-ten vanduaina an tawh avangin an la supply thei rih lo tih House a hrilh a. Congress member, Pu RL Pianmawia zawhna kal zela zawhbelhna dangte chhanga he thu hi sawiin, he sum a\ang hian Mizoram Agent hnenah lirthei supply tura tih a ni a, vanduaina an tawh tak avangin vawiin thlengin an la supply thei lova, hetiang a nih avang hian Department lam chu Court-a kalte pawh a lo tum tawh \hin a, supplier hian ngaihchang rih tura a ngen avangin tun dinhmun hi an thleng ta nia sawiin, Supplier-te chu motor an supply thei lo a nih pawhin a sum tala pe leh tura hmalak a nih tur thu a sawi a ni. Pu Lal Thanzara chuan, Falkawn Referral Hospital behchhana Medical College changtlung tak, Mizoram Institute of Medical Eduation and Research (MIMER) din a nih dawn avang leh hetah hian Doctor engemaw lak an nih dawn avangin Mizorama Doctor indaih lohna chu tun dinhmunah chuan sutkian mai theih ala ni lo maithei tih a sawi a, hetih rual hian Doctor indaih lohna sukiang turin theihtawpa chhuaha hmalak a nih tur thu a sawi. Health Minister chuan, Nurse indaih lohna phuhru turin tunah hian MPSC kaltlanga Staff Nurse lak tum mek a nih thu leh chung mite chu a mamhawhtute hnenah pek tum a nih thu pawh a sawi a. Hmun \henkhatah Health Worker a inthuaha an awm anga sawi awm chu lo enfiah a nih tur thu leh an bial enkawl a zira hmun khata Health 2/3 awmna a awm tih erawh hriattel a ngai tih Minister chuan a sawi a. Tunah hian Sorkar laipui remtihnain Bolero engemawzat lei tum a ni a, heng motor-te hi a mamawhtute hnenah a nihna tur ang taka pek vek tum a nih thu pawh Pu Lal Thanzara chuan a sawi a ni.

Mipuiin a thlawna damdawi an dawn theihna tur, Free Drug Policy pawh kalpui tura hmalak mek a ni tih Health Minister chuan a sawi a. Hemi atan hian phai lam nena inthlunzawmna \ha tak neih a ngai a, hei hi tihfel mai theih a nih loh avangin a la hlawhtling thei rih lova, a hlawhtlin theih nan chak taka hmalak mek a nih thu a sawi. He ruahmannna bakah hian Chief Minister Free Drug Policy pawh duan tum a nih thu sawiin Pu Lal Thanzar chuan, hei hi miharsa zawkte tan a \angkai dawn avangin tihlawhtling tura \anlak mek a nih thu a sawi bawk.