Sports Minister, Pu Zodintluanga’n vawiin thlenga Sports Policy tihpuitlin ala nih loh chhan chu Sorkar laipuiin National Sports Policy a duan mek ngaihchan a nih vang a nih thu a sawi. MNF member, Pu Lalruatkima leh Pu Lalrinawma zawhna in\awm chhanga he thu hi sawiin, tunah hian Drafts Sports Policy neih vek tawh a ni a, sorkar laipuia Youth Affairs and Sports Ministry-in National Sports Policy nei tura ruahmanna a rawn siam tak avangin kalpui zel a ni ta rih lo tih a sawi. Pu Zodintluanga chuan, kum 2009 July ni 3-a Committee on Draft Mizoram State Sports Policy \hukhawmin Draft Sports Policy chu a lo pawm tawh a, Sorkar-ah pawmpuina dil a nih hmain National Sports Policy duan a nih tak avangin bawhzui a ni ta rih lo niin a sawi. Infiammi hlawhtlingte hnena lawmpuina State Sorkarin a pek \hin, Incentive Cash Award atan Budget-a pawisa dah chu mi\henkhatin a tlem lutuk nia an sawisel chu an hriat chian loh vang a nih thu sawiin Sports Minister chuan, Sorkar kum kal mekah \halai engzat nge hlawhtling dawn tih leh mi engzat hnenah nge pawisa pek ngai dawn tih hriat a nih loh avangin a thuphungin pawisa hi dah phawt a ni a. Pawisa awm sa hian a daih lo a nih chuan kum tawpah Finance Departmentah sum dil belh mai tur a nih thu Pu Zodintluanga chuan a sawi a ni.
