A hun lova Birth Certificate lakchhuahna man tih to a nih chhan chu a dik lova tih tumte dan tumna vang a ni – Planning and Programme Implementation Minister

0
449
views

Planning and Programme Implementation Minister, Pu Lalsawta’n a hun lova Birth Certificate lakchhuahna man tih to a nih chhan chu a dik lova tih tumte dan tumna vang a nih thu a sawi. Mizoram chu Myanmar leh Bangladesh karcheha a awm a ni a, ram dang nena a inrinna chu Mizoram Boundary pumpui hmun 3-a \hena hmun 2 deuhthawh a nih avangin ram dang mi dan lova lo pem luh theihna chance a san avangin fimkhur a ngai hle tih a sawi. Pu Lalsawta chuan, a hun lova Birth Certificate pek chhuah chu finfiah a harsat avangin mipuiten a hun takah chauh Birth Certificate an lakchhuah chu Sorkar duh dan a nih thu leh Mizoram mi dik tak, India khu leh tui ngei chauhin Birth Certificate an lak chuah theih nan leh a hun lova Birth Certificate lakchhuah chu a reh theih nan tun aia Rate awm sa Rs. 1,000 aia to zawk leh thawhchhuah deuh \alh ngai khawp ni se a \ha zawk ang em tih an ngaihtuah niin a sawi. MNF member, Pu Lalruatkima Chakma unau pahnih hnena Birth Certificate dik lo pekchhuah Sorkar-in a hriat leh hriat loh a zawhna chu an hriat thu leh chhuichian a nih hnuah danin a phal leh thuneihna an neih chinah an Registration Cancel nghal a nih thu Pu Lalsawta chuan a sawi.

Planning Minister chuan, Data Bank rintlak nei tura \anlak mek a nih thu leh tunah hian Data neih sa hrang hrang bakah a kaihhnawih Department nen siamrem mek a nih thu sawiin, Final Publication siam vat tura \anlak mek a ni tih sawi.