Congress Thalai leh thuthar lakhawmtu thenkhat ten DCF (Wildlife) Aizawl Division-a silai tun tawhte an en

0
389
views

Vawiin khan Congress Thalai leh thuthar lakhawmtu thenkhat ten DCF (Wildlife) Aizawl Division-a silai tun tawhte an en a, silai 25 tun tawhte leh silai an man 19 bakah Forest department silai 14 te a awm kim a, hei hi ziaka an vawn nen a inmil a ni. Congress \halai hian thuchhuah siam zuiin, MNF MLA Pu Lalruatkima’n silai tun tawhte a bo nasa tih a sawi chu a dik lo niin an sawi a, Pu Lalruatkima hian Ningani kalta chawhma lamah DCF office hi tlawhin chabi kawltu a awm remchan loh avangin silai dahna hi hawnsak a ni lo niin an sawi. Pu Lalruatkima chu dawt sawiah an puh a ni. Hetihlai hian DCF (Wildlife) Aizawl Division-a thawktute hian Pu James Dokhuma silai tun bawma an tar a bo tih hi kum 2012 khan an hre chhuak niin an sawi a, silaite chu strong room-an dah hnuah bo a awm tawh lo niin an sawi.