Administrative Reform Commission-in hna thawk tan

0
1368
views

Mara Autonomous District Council-a siam \hat ngai laite siam \hat dan tur leh hnathawktuten \ha zawka hna an thawh theih nana ruahmantu tur, Administrative Reform Commission, Pu K. Riachho-a kaihhruai chuan a hna a thawk \an a, Pu K. Riachho chuan vawiin khan Siahaa a office-ah thuthar thehdarhtute kawmin, tuna Mara Autonomous District Council ding laiin inthlan dawn khan MADC ruangam te, inrelbawl dan te, dan hman lai te, hnathawktute hnathawh dan te leh hnathawktu lak dan te huam zau taka ennawna MADC \ha zawk leh hnathawk thei zawk din a lo tiam tawh chu thlan tlin an nih hnuah bawhzui niin a sawi a, Administrative Reform Commission member-te chu MCS officer hlui, Pu Beila Khithi, Executive Secretary pension tawh, Pu TA Chhohu, Executive Secretary ni lai, Pu V. Zacho leh Member Secretary ni nghal, Pu Derrick Salai Solo, MADC-a EOD ni laite an ni tih sawiin, MADC-a Executive Committee siam dan leh hnathawh dan te, Executive Member dinhmun leh hnathawh dan te, hnathawktu tur lak dan leh officer te hna sem dan te thlengin an ennawn dawn niin a sawi a ni. Zawhna chhangin Pu K. Riachho chuan Administrative Reform Commission hian thla 6 hnuah MADC-ah a report a thehlut dawn niin a sawi a, he hna hi kumin September ni 14 a\angin an thawk \an tih sawiin, hemi ni a\anga chhiara thla ruk chhunga he hna hi zo fel tura beisei a ni tih a sawi a, amah puitu tur atana hnathawktu pekte chu mi thar ni lovin MADC staff te vek niin a sawi bawk.