AMC-in Tuirial-a Dumping Ground a enkawl zo lo- MPC

0
393
views

MPC Party chuan Aizawl Municipal Corporation-in Tuirial-a bawlhhlawh paihna, Dumping Ground a enkawl zo lo nia sawiin, hemi avanga harsatna thleng \hin leh AMC Councillor-ten dan lova thil tih chingte thlavang an hauh \hinna te titawp thuai turin CM leh Aizawl Mayor an ngen. Hemi chungchangah hian vawiin khan, MPC Party hruaitute chuan an party office-ah thuthar lakhawmtute an kawm a, an party Secy, Pu VL |hazova chuan, Tuiriala bawlhhlawh paihna leh a chhehvela bawlhhlawh sawngbawl dante a hmunah an endik tih sawiin, veng hrang hrang a\anga bawlhhlawh phurh khawmte chu Dumping Ground thlen lovin, Tuirial Airfield veng bul, Bungherh ram chhung kawng lakah an dinpui a, hetah hian bawlhhlawh chu mi engemaw zatin lo hlang thlain, suma chantir theih chin an lo thur chhuak a, an duh tawk an lak hnuah bawlhhlawh dang chu kawng sir hmun tam takah an paih darh ta \hin niin a sawi. Hei hi a rimchhiain a tenawm hle a, mihring chauh ni lo, ran leh nungcha dangte hriselna atan pawh a pawi thi dawn niin a sawi a, Dumping Ground enkawltute hian, bawlhhlawh an lo ching darh leh kawng laka an lo tiding \hin chu an duh lo na a, nu \henkhat, naute hnute hne lai hruaite pawh an awm niin a sawi a, bawlhhlawh phur motor khalhtute pawh kawng laka ding tawh lo tur leh a paihna hmun tur dik taka paih \heuh turin hrilh \hin mah se, motor neitute chu AMC-a thuneitute leh Party lama hruaitute an nih avangin, Dumping Ground enkawltute thu chu an pawisa lo ni bera an ngaih thu an sawi bawk.