Aizawl District Agriculture Office-in kuthnathawktute thlai thar chhuah tipung tur leh a hlutna tibelhchhah tura inzirtirna Muallungthu Community Hall-a an buatsaih a hmanpuinaah Pu Sangtea chuan, chhimphei mipuite chu thei leh thlaia Aizawl khawpui chawmtu pawimawh tak an nih avangin chemical tel lova Organic hmanga thlai an enkawl theih dan tur ngaihtuah chu \hil \angkai tak a nih tur thu a sawi a. Mizoram mipui zatve aia tam mah chu Aizawl khawpuia cheng an ni a, chung mite ei leh bar zinga tam zawk chu Mizoram pawn a\anga lakluh niin, a hrechiangte chuan phai lam a\anga thlai lakluh hi chemical hmanga enkawl a nih thu leh Mizorama an lakluhna kawngah a chhiat loh nan hmanraw chi hrang hrang hrang hmanga sawngbawl a nih thu an sawi a. Hei hi mihring hriselna khawih pawi thei tur hlauhawm tak a nih avangin phai a\anga thei leh thlai lalut lova Mizoram thar ngei hmanga intodelh tura \anlak chu tihmakmawh a ni tih sawiin, hemi kawngah hian sorkar pawhin theihtawp a chhuah dawn a ni, a ti. Pu Sangtea chuan, ei leh bara intodelh tura \anlakna turah sorkar chuan kuthnathawktute mamawh hrang hrang ngaihtuah zel a tum tih sawiin, ram leilung tih hausak kawng a ni emaw Link road laih a ni emaw chak taka bawhzui zel tum a ni a, hetihrual hian ei leh bara intodelh tura \an an lakna turah Sorkar leh kuthnathawktute chu thu khat vuaa an \anrual a ngai dawn a, mipuite pawhin rilru leh ngaihtuahna dik an put a pawimawh dawn tih sawiin, loneitute leh zoram mipuite chu an rilru lo inbuatsaih lawk turin a chah a ni.
