Agriculture Minister, Pu C. Lalrinsanga’n NLUP hmalakna titawp turin Exit Protocol buaipui mek a ni tih House a hrilh.

0
283
views

Assembly Budget Session neih meka ZPM member, Pu Lalchhuanthanga zawhna kal zela ZPM member vek, Dr. Vanlalthlana zawh belhna chhanga he thu hi sawiin, Pu C. Lalrinsanga chuan, NLUP titawp tura hmalaknaah Planning Sector chu tihtawp fel tawh a ni tih a sawi a, NLUP buaipuitu NLUP Implementing Board-a thawktu mi 68-te dinhmun pawh Exit Protocol tihfel hnuah an awm zel dan tur tihchian a nih tur thu a sawi.

Agriculture Minister-in House a hrilh danin, NLUP hnuaia a pung awm lova Loan latu zingah cheng khat mah la rul lo 3 an la awm a. Loan latu zingah Hnam chhantu chuan Rs. nuai 35 rul tawhin an ni hi rul \ha ber an ni a, Samuel Tea Factory-in Rs. nuai 5 leh sing 4 an rul tawh bawk a. LZ Bamboo Industry, Mizoram Broom India leh CDAR chuan Loan an lak a\anga rulh let an la nei lo thung a ni. Pu C. Lalrinsanga chuan, NLUP hnuaia Loan late chu an Loan lak dan leh an dinhmun uluk taka enfiah a nih hnuah, a tihzui dan tur thutlukna siam a ni dawn tih a sawi a. Loan latute chu a tirah intiamkamna neih tir vek an ni a, a \hente phei chu an hmunhma dahkham tir an nih thu a sawi a ni.