Vawiina MNF party office Hnam Run inkhawm a hmanpuinaah Pu C Lalrinsanga hian, pangang puang mek beiletin Agriculture Dept-a thawktute chu office nghaktu mumal pawh awm lo khawpin an \ang niin a sawi a, pisa luahtu mumal awm lo khawpa hmalak chu felhlel deuha a lan avangin a mawhphurtu tur bik rapid responce team din a ni a ti. Pangang hi a inthlah pung chak hle tih Agriculture Minister hian a sawi a, Central YMA pawh thawhpuiah sawmin hmalak ho mek a ni a ti a, mithiam zawkte pawh chahlutin sorkar chuan theihtawp a chhuah a ni a ti.
Agriculture Minister hian Mizorama hlawk taka thar chhuah theih Purun, Alu, tel, buhfai leh purunvar-ah te intodelh turin kuthnathawktute chu \anla turin a beisei tih a sawi a, loneitute buhfai thar chhuahte chu Supply Department-in a lei dawn a, hemi avanga sorkar-in subsidy a pek tlingkhawm hnamdang ipte-ah ni lo, Mizo pa iptea a lut tur hrim hrim tur pawh thil lawmawm a ni a ti.
Inkhawm hi an pawl Adviser Pu R Liantluanga’n a kaihruai a, tunhnaia LADC a VC inthlan neih zawh tak chungchang an pawl General Secretary Pu TC Pachhunga’n a report a MNF in seat 63 a lak laiin an kingpui lian ber Congress-in 12 chiah an la chu MNF tan thil lawmawm tak a ni a ti.
