Chhinga veng khawtlang hruaitute hnen a\anga ZONET thudawn danin in hi Concrete chhawng 4-a sang, chhungkaw 3 luahlai a ni a, a thlang lamah zauh tumin ban khur tur laih a ni a, Inrinni chhuna hna an thawh laiin in innghahna lei hi a che \an a, a chet chhunzawm zel avangin in hi chim mai thei dinhmunah a ding ta a ni. In luahtu chhungkaw 3 te chu sawn chhuah nghal an ni a, Bialtu MLA Soprts Minister Pu Robert Romawia Royte kaihhruaina hnuaiah District Disaster Management Authority, PWD leh Geology lama mithiamte leh khawtlang hruaitute chu inrawnkhawmin hmalak dan tur an sawiho a, mithiam ten a lei awm dan te an enchian hnuah In innghahna lei hi a ngheh tawk loh avang leh a chet zui zel avangin nimin khan \hiah \an a ni ta a ni. Vawiin khan in \hiah hnatlang hi chhunzawm a ni a, In thlang lam ban kar khat, a hlauhawm chin nia hriat chu mithiamte kaihhruaina hnuaiah \hiah hmasak a ni. Assembly Dy Speaker Pu Lalrinawma leh AMC Councillor Pi B Lalawmpuii te pawhin an \hutchilh a ni.
