Minister hian vawiin chawhnu dar 3:30 khan Tuikhuatlanga a chenna inah Central YMA hruaitute hi a kawm a, pangang puan thu hi Lok Sabha inthlanpui neih hma khan hriat a ni tawh a, hemi \um hian hmalak tum nghal mah se, Election Model Code of Conduct-in a phuar avangin hmalak nghal mai theih a ni ta lo a ni, a ti a. He pangang puang mek hi a pung chak hle a, nikum kumlai hawla State \henkhata a len pawhin thla 9 chhungin Strate 10 zet a tuam hman a, a pun chak dan hi a rapthlak hle a, tuna Mizoram boruak awm dan chu a inthlan pun duh dan tak a nih avangin \anlak a ngai nasa hle a ni, a ti. Pu C. Lalrinsanga chuan, YMA chu Mizoram hmun tina awm an nih angin pangang puak mek vanga loneitute tawrhna thleng mek tihziaawm tura tih theih an neih beisei vanga hetiang inrawnkhawmna hi rawt an nih thu sawiin, YMA chu an theihna ang zawna he pangang ven kawnga theihtawp chhuahpui turin a ngen a ni.
An inkawmnaah hian Central YMA President, Pu Vanlalruata chuan, kum 10 vel kaltaa Mau a tam \um khan mipuiten an tawrh nasat lutuk loh nan Mizoram Sorkar nen an lo thawk ho tawh tih sawiin, hemi bakah hian Sorkar nen thawh hona dang pawh engemaw zat an lo nei tawh a. Tun \uma pangang puang mek chungchangah pawh hian YMA chuan tih theih a nei a nih phawt chuan tlanchhe lova an hma an hle tur thu a sawi a. Hetihrual hian YMA chu zirbingna emaw thiam bik emaw nei an nih loh avangin Department hotute chu ti tura an duhte finchhuah a, hrriattir \hin turin a ngen a. Mizote chu inpeinzawn hnam, a \ul huna thawk hi zel theih an nih angin YMA chu a tlanchhiat loh tur thu a sawi.
An inkawmnaah hian Agriculture Director, Pu Rohmingthanga Colney chuan, pangang puang meka Department hmalak tawhna hmachhawpte a sawifiah a. Pangang hi Mizoramah April ni 8 khan hmun \an a ni tih sawiin, tunah hian Mizoram pum a tuam chhuak tawh a ni, a ti a. Pangang puang mek tihrem kawnga hmala turin Sorkar chuan Rapid Response Team a din a, Central lama an hmalak dan hriattir zel niin, chak zawka hmalak a nih theih nan Agriculture Commissioner kaihhruaiin Committee din leh a ni a. Hei bakah hian District tinah chak zawka hmalatu tur Committee din vek a ni tawh tih a sawi. Pu Rohmingthanga Colney chuan, pangang tirem tur leh kuthnathawktute tawrhna tinep turin Strategic Action Plant pawh siam a ni, a ti a. Pangangin vaimim a eochhiat sakte chu thlai dang an chin theih dan tur ruahmanna siampui an ni a, vaimim ching leh turte pawh a chi pein, kut benga an awm loh nan hmalak a ni a, he hmalakna hmang hian tuna pangangin vaimim a eichhiat sakte pawhin thlai dang an thar theih nan hmalak a ni, a ti. Agriculture Department chhinchhiah danin, tun thla ni 6 thleng khan pangang hian Mizoram puma vaimim chinna ram Hectare 2055 a eichhe tawh a, vaimim a eichhiat hi Rs. nuai 647 man hu vel ni tura chhut a ni.
