A hmanpuitu Chief Secretary Pu Lalnumawia Chuaungo chuan hmasawn nan sum leh pai a pawimawh rualin a hmarua tak tak zawk-ah chuan mihringte kan pawimawh a ni a ti a, thiamna changkang technolocy chu nitin nunah hmasawnna thlen tura sengluh thiam a ngai a ni a ti. Planning Secretary Dr. Vanlalramsanga pawhin thu sawiin, Technology chu a chhe zawng leh tha zawng a hman theih anih avangin a hman danah fimkhur a ngai a ni, a ti.
National Technology Day 2019 hmannaah hian Science & Technology hnuaia MISTIC, MIRSAC leh Science Centre Governing Body leh Executive Body member te, Science leh Technology hmasawn nana pawl hrang hrang te leh sorkar technical department aiawh leh zirlai te an tel a, National Technology Day hi naktuk May ni 11 nimahse, Inrinni anih avangin Mizoramah chuan vawiin khan hman a ni.
