He thu hi MNF member, Dr. ZR Thiamsanga zawhna kal zela Lawngtlai East bialtu MLA, Pu H. Biakzauva’n Mampui AH & Vety Farm-a vawk vulh mekte enkawl chhunzawm dan tur a zawhna chhanga he thu hi sawiin, Dr. K. Beichhua chuan, tuna Mampui Farm-a vawk vulh lai zawng zawng chu PRRS vei vek an nih avangin inthlang pung tura no neih tir ngam an nih loh thu leh a tirh ral dan tur buaipu mek a ni a, tuna vawk vulhna hmunte pawh tih thianghlim vek a nih loh chuan vawk dang vulh ngam a ni rih lo tih a sawi.
AH & Vety Minister chuan, vawk natna, PRRS chu chhim tawp a\anga hmar tawp thlengin a leng a, hei hi a chhan chu ram pawn a\anga ran lakluh vang a ni nih thu leh khaw ro laia a len nasat thu sawiin, heng natna laka invenna a nih theih nan sorkar chuan kumin January thla khan ram pawn a\anga vawk lakluh hi a khap a, tun dinhmunah chuan PRRS leng Report hi dawn a ni rih lo tih a sawi. Heng ran natna hrang hrang lak fihlim tur hian Sorkar chuan Champhai Ruantlang hmunah ran hrisel leh hrisel lo endikna hmun a dah tih sawiin, Dr. K. Beichhua chuan, hetah hian ram dang a, bikin Myanmar a\anga ran chi hrang hrang lakluhte chu an thianghlim leh hlim loh enfiah zel a ni tih a sawi a. Mipuiten sa thianghlim chauh an ei theih nan ram talhna, Slaughter House sa belh tura ruahmanna kalpui mek a nih thu a sawi bawk.
