Paithar Community Hall hawnna inkhawma thusawiin Pu C. Ngunlianchunga chuan mipuite hmasawn nan leh ham\hat nan sorkarin nasa takin hna a thawk niin a sawi a, a hnathawhte chu hmun tam takah hmuh tur a awm niin a sawi. Minister chuan mirethei dawmkanna tura sorkar hmalakna NLUP chu mi \henkhatin tihtawp tumin bei mahsela, sorkar chuan uar zawkin hmalak zui a tum dawn niin a sawi a, he hmalakna chhunzawm nan hian sorkar laipui a\angin sum tam zawk hmuh belh niin a sawi a ni.
Hawnna inkhawmah hian LADC Chairman, Pu V. Zirsanga leh VCP te bakah mipui \hahnem tak an tel a, inkhawm hi Lawngtlai DRDA Project Director, Pu R. Lalremsanga’n a kaihruai a ni.
Upper Saikah Community Hall hawnna inkhawma thusawiin Minister chuan roreltu \ha awmnaah ramin hma a sawn a, a dinhmun a phuisui \hin niin a sawi a, sorkarin mi retheite leh kuthnathawktute lam hawiin hma a la a, Lawngtlai West bial chhungah pawh kum nga kalta chhung khan khaw tin motor tlawh theihin siam vek tawh niin a sawi a ni. Hawnna inkhawm hi DRDA Project Director, Pu R. Lalremsanga’n a kaihruai a ni.
