Aizawl Bazarpui-a eizawng mi 1054 te chu bazar building pui ber sak that a nih dawn vangin sorkar hmun ruatah insawn tir an ni.

0
61
views

Hemi chungchanga ZONET zawhna chhangin Commerce & Industries Director Pu J. Hmingthanmawia chuan Bazarpui building hi a dinhmun a hlauhawm tawh a, Aizawl District Disaster managemnet Authority pawhin an enfiah hnuah a that tawk tawh loh avang leh vanduaina thleng thei reng a nih tawh avangin thiah turin a ti tih a sawi a, Building thar hi Aizawl Smart City project hmanga sak that tura ruahman a ni a, building hlui thiattu tur pawh tih fel a ni tawh a, contractor hian hna tan thei reng a ni tawh tih a sawi.

Pu J. Hmingthanmawia chuan, Bazarpui-a eizawng mi 1054 te chu Building sak that chhunga an awmna tur tih fel a ni tawh tih a sawi a, thawmhnawh dawr 179 te chu Bawngkawn Bazarah dah an ni a, thlai zuar 463 te chu Khatlaa Convention Center sakna tura tih, sak leh tak lohna hmunah dah an nih thu leh abak midangte chu sorkar enkawl bazarah te dah an ni a ti a, Second hand zuar 251 te chu Bawngkawna AMC in Multilevel Parking building an sak, chhawng hnihah dah an ni tih a sawi.