Mizoram Legislative Assembly-a Public Accounts Committee (PAC) member ten an Chairman, Lalduhoma, Serchhip bialtu MLA hovin Serchhip-a ITI Building tur sak mek an tlawh a, hna thawktute chuan nakum March thlaah chuan thawh zawh hman an beisei tih an lo hrilh.

0
11
views

ITI Building sak tawh chin an fankual hnuah, classroom leh workshop tur sak mek an enfiah bawk a, Pu Lalduhoma chuan Assembly Public Accounts Committee chu thil dik lo zawng chhuak tur ringawt an ni lo va, hnathawh kawnga hmasawn dan tur ngaihtuahtu an ni a ti a, dik tak leh tha taka thawktute tan chuan hlauhawm an nih loh thu leh fel lo taka titute tan erawh chuan hlauhawm tak an ni theih tih a sawi.

Labour, Employment, Skill Development & Entrepreneurship Department hotute chuan ITI Building sak mek chu a hun taka zawh a nih theih nan theihtawp chhuah an tum tih an sawi a, tunah hian Financial Achivement chu za zela 30 leh Physical Achivement chu za zela 40 a ni tih an sawi.

Serchhipa Zonet Reporter hnen atanga thudawn danin he building sak hna thawktu Contractor chuan tun hnaia inkharkhip a nih avangin hnathawktu tam zawk an haw a, hnathawktu tam zawk rawih chhunzawm tumin hma an la mek a ni.