Aizawl Chanmari West Branch YMA chuan mitthi, an ruang latu an chhungte awm lo, an vengin an lak, an veng thlanmuala phum tak mi 2 lung chu vawiin khan an phun. Heng mite hi Lalthanbuanga, kum 62 mi, kumin April ni 4, Aizawl Civil Hospital-a thi leh Zolianthanga, kum 32 mi an ni a, lungphunna inkhawm, an veng YMA Zawlbuka vawiina neihah Upa PC Pakunga’n hun serh hmangin Pathian thuchah a sawi a, he inkhawm hi an Veng Branch YMA President, Pu K. Darthantluanga’n a kaihruai a ni. Heng mite hi an veng thlanmuala an thlanah thlanlung \ha tak an siamsak a ni. Heng mi pahnihte hi Aizawl Civil Hospital-a thi ve ve an ni a, an chanchin puanzar a nih hnuah an ruang latu tur, an chhungte an awm loh avangin anmahni enkawlna kaihhnawiha damdawi in lehkha an neihte a\angin Chanmari West venga awm anga an inziah avangin Chanmari West YMA hian an ruang an hlawm a, \ha taka an vui hnuah an thlan mawi taka siam a ni ta a ni.
