Aizawl Chawnpui Venga 33 KV Power Sub Station-a 6.3 MVA transformer siam tha tawh

0
234
views

Aizawl Chawnpui Venga 33 KV Power Sub Station-a 6.3 MVA transformer kar hmasa Thawh\annia chhia chu siam \hat a ni leh tawh a, he Sub Station-in a chawm veng hrang hrangte chu nimin tlai dar 5 a\ang khan a pangngaiin eng pek leh theih a ni. Power & Electricity Deptt. hotute chuan he Sub Station-a 6.3 MVA Transformer chhe thlak hna hi chhun zan zawmin ngawrh takin an thawk niin an sawi a, a thlakna tur transformer lian lei sa an neih loh avangin Sialsuk a\ang leh Aibawk a\angin 2.5 MVA Transformer an la a, hemi hnu hian Chawnpui Sub Station-ah hian bunin transformer oil thun hna leh thlitfim hna te ngawrh takin an thawk zui nghal a, a chawm vengte eng an pe chhuak thei ta niin an sawi a ni. Hetihlai hian Mizoram chhim lam District pali, Serchhip, Lunglei, Lawngtlai leh Siaha te chuan nimin chawhnu dar 2 vel a\ang khan eng an nei thei lova, Power Deptt. hotute sawi danin Bukpui Sub Station a\anga Lungleia kawlphetha pekna 132 KV Line hruipui chu mau tluin a delh vangin chhim lam district te hian eng an hmu thei lova, hei hi chhui chhuakin thenfai a nih hnuah vawiin chawhma dar 10:20 khan chhim lam district 4 te hi eng pek leh theih an ni. Nizan khan chhim lam district 4 te eng pek theih a nih loh avangin kawlphetha mamawh tam lai bera hman zat chu megawatt 64.58 chauh a ni a, heng zinga megawatt 32.15 chu Mizoram chhung a\anga siam chhuah a ni a, a siam chhuaktute chu Tuirial Hydel Project-in megawatt 24.4, Serlui B-in megawatt 4, Kau-Tlabungin megawatt 2.3, Maicham I leh II-in megawatt 1.3 leh Tuipuiin kilowatt 1500 a siam chhuak a ni.