North Eastern Council (NEC) Meeting vawi 67-na ni hnih awh tur vawiin a\anga Shillong State Convention Centre-a neihah Mizoram Larsap Pu Kummanam Rajashekharan leh Chief Minister Pu Lal Thanhawla ten Mizoram mamawhte an thlen.
Union Home Minister Pu Rajnath Singh kaihhruai NEC meeting ah hian DoNER Minister Dr. Jitendra Singh pawh a tel a, Hmarchhak state Larsap leh Chief Minister te an tel bawk. Mizoram Larsap Kummanam Rajasekharan chuan North Eastern Council tihchak zel a \ul thu sawiin, awmze nei zawka hnathawk thei turin sum leh pai leh thawktu \haa thuam a pawimawh a ni a ti. Chief Minister Pu Lal Thanhawla pawhin sum leh pai tam zawk NEC kuta dah a \ul tih a sawi a. Kum 2017-18 atanga 2019-20 chhunga hmarchhak state zawng zawng tana cheng vbc 4500 NEC hman tura dah chuan project kal laite a huam tel avangin sum indaih lohna a nasa hle dawn a ni a ti a, NEC a sum dah zat chu tihpun ngei a ngai a ni a ti. Chief Minister chuan Act East Policy a taka chantir tur chuan hmarchhak bial statete policy duanna leh a taka thawhna turah an tel ve a ngai a ni a ti bawk.
NEC Plenary-ah hian North East State a Chief Secretary te leh Planning Secretary te an tel hlawm a. Mizoram atang pawhin Planning Secretary Dr.C. Vanlalramsanga leh official dang an tel a ni.
