Traffic Police te hi an duty awl theih ni awm chhun, nimin khan Vanapa Hall-ah an inko khawm a, lirthei khalh danah midangte tana harsatna thlen thei double overtaking te, lirthei ri thupna ti danglama ring lutuk chi vuah te, duhdah taka lirthei dah leh lirthei headlight eng lutuk hmang te chu mana hrem zel nise an ti a, lirthei tlan dan tur dik loa tlan, dan bawhchhia te lakah pawh khauh zawka hmalak an rel a ni.
Law & Order changtu IGP Pu LH Shanlian chuan, lirthei tawt lutuk tih ziaawm nan Traffic Police ten nasa zawka \an an lak a ngai tih a sawi a, state dang a\anga lirthei Aizawl khawpui chhunga rawn lut te, lirthei tlan dan an hriat loh vanga dan bawhchhiate chu man nghal mai lova tlan dan dik zawk hrilh hmasa \hin turin traffic police te a chah a, Aizawl khawpui chu ramchhungah lirthei khalhtute invawn fel berna a tling phak a ni a ti a, motor horn hmehrik awm mang lohna khawpui a nihna chu vawnnun zel a \ha a ni a ti.
Inkhawm hi Traffic SP Pu Rodingliana Chawngthu-in a kahruai a, DIG Norther Range Pu Lalbiakthanga Khiangte-in leh Traffic Police hotuten police te hnathawhna kawnga thil pawimawh chi hrang hrang an sawi a ni.
