He thu hi Horticulture Department-in hnathawk \ha lawmman, Best Horticulture State Award, 2019 an dawn lawmna vawiina Horticulture Directorate Conference Hall-a neih a hmanpuinaah a sawi a, Horticulture changtu, Chief Minister Pu Zoramthanga hian ei leh barah Mizoram a intodelh tawk loh vanga Bhaga vel a\anga an duh duha thunun theih tawka mizo mipuite an ngai chu a tlawm thlak avangin Mizorama thar chhuah theih chi, chaw, thei, thlai leh sa hmanga intodelh tura \anlak chu tih makmawh a ni, a ti.
Hemi tihlawhtling tur hian Pathianin ram \ha tak Mizoram a pe a, leilet atana siam theih ringawt pawh ram hactare sing 7 vela zau a awm a, hei hi Mizoram mipui let tam tak chawm theihna khawp a nih avangin a hmang \angkai tura \anlak a \ul a ni a ti.
Pu Zoramthanga chuan, Mizoram chu harsatna namen lovin a tlakbuak a nih pawha ei leh bara intodelh tura \anlak chu chonaa ngaih tur a ni, a ti a. Hemi kawnga hma an laknaah ei leh bara intodelh piah lamah ram sum leh pai dinhmun siam danglam thei khawpa beih a ni dawn a, chumi atana hmalaknaah chuan thil ngaihpawimawh pathum an nei dawn tih a sawi a, chungte chu eng kawng pawh ni se hmathar an lakna turah reng reng Sorkar kuta dah vek lova mimal kuta mawhphurhna tam zawk pe tura Privatisation kalpui te, Mizoramah mihring an tlem avangin hmun dang a\anga hnathawktu tur chawlut lova, khawl leh hmanraw changkang zawka hmanga chak zawka hnathawk thei tura Mechnization lam uar te leh thawhchhuah tihpung tura \an lak, Large Scale Production te a ni a ti.
Heng formula hmang hian chak taka hmalak a ni dawn tih Chief Minister hian a sawi a, an hmalakna reng reng Society behchhana kalpui tur a ni dawn tih pawh sawiin, sorkar hmalaknaah mipui zawng zawngin tha an thawh thei dawn a ni, a ti.
Ei leh bara intodelh tura \an an lakna turah Horticulture Department hotute chu eng thlai pawh ching dawn se, kum khat chhunga Mizoram mipui mamawh zat tur te, a hmun a zira eng thlai nge chin tur tih leh a chinna hmun tur te lo zirchiang hmasa turin Chief Minister hian a chah a. Mizorama thar theih chi reng reng chu Silchar lam a\anga lak ngai lo tura mahni thar chhuah hmanga intodelh tura hmalak a a \ul a ni a ti a, chumi tihlawhtling tur chuan thlai leh thei sawngbawlna chu Chemical hmang lova Organic hmanga tih a nih theih nan \anlak nasat a ngai dawn hle a ni, a ti.
Chief Minister chuan, Rua hmanga Mizoram intodelh tura \an an lakna turah pawh Society kalphung hman a ni dawn tih a sawi a, hei hian kuthnathawktute tharchhuah a tih pun piah lamah \halaite tan hnathawh tur tam tak a siam thei dawn a ni, a ti.
