Aizawl East I huam chhung, Muanna Venga ZPM Campaign Information Office chu he biala ZPM candidate, Pu K. Sapdanga’n tukin khan a hawng.

0
308
views

 

Hawnna inkhawma thusawiin Pu Sapdanga chuan Pathian leh mipui zara thlantlin a nih chuan veng mawng lam a\anga hmasawnna hna thawh \an a nih tur thu a sawi. Tunah hian vote thlak nan ni 14 chauh a awm tawh a, vote thlak hunah hian kum 5 chhunga mipui aiawha rorel tur an thlang dawn a, chutah chuan lal, mipui chunga thunei tur nge, inphahhnuai taka mipui rawngbawltu tur an thlang dawn tih ngun taka ngaihtuah turin a ngen a ni. Pu K. Sapdanga chuan party \henkhat chuan kum 30 vel kal tawha an kalphung pangngai hmanga ram kaihhruai tumin an inzuar nia sawiin, \angrual pawl erawh chuan Chief Minister la ni ngai lo leh hmingchhiatna la nei lo, rambuai laia Mizoram \hatna tura nasa taka beitu an zuar thung tih sawiin, ram hlui zia paiha a sanga an kal theih nan ZPM thlang tling a, an kuta thuneihna hlan turin mipuite a ngen a ni. Aizawl East I ZPM candidate chuan an bial chhungah chhungkaw 6,911 an awm tih sawiin, chung chhungkua zawng zawng chu a kip a kawiin tlawhchhuak vek lo mah se, kawng leh step awm zawng zawng chu an kalchhuah deuh vek tawh avangin East I bial chu a bial hriatchian ve ber a ni a, a bikin veng mawng lamah vawiin thlenga sorkar tui la in phak lote, sorkar step-in a la pawh lohna hmun engemawzat a la awm a, khawi laiah nge step siam ngai a, khawiah nge lei dawh ngai tih hrechiangtu a nih avangin Pathian leh mipui zara MLA atana thlan a nih chuan hmasawnna hnathawk turin veng mawng lam a\anga hmalak \an a nih tur thu a sawi.

Pu K. Sapdanga chuan, Aizawl khawpui rim nam bial zingah Aizawl East I chu khawsak harsa tamna ber leh puih ngai tamna ber bial an ni a, heti chung hian an bial chu kuthnathawk tamna ber bial an ni thung niin a sawi a. UT-a Mizoram hlankai a nih a\angin an bial chu rulling MLA thlangtlingtu an ni ngar ngar chunga hetiang dinhmuna an ding chu lungchhiatthlak a tih thu sawiin, hetiang a ni chunga mipuiten thlan tur dik an hre lo a nih chuan tun hma ang bawka an dinhmun a chiat leh dawn avangin ngaihtuahna an sen ngun a ngai hle a ni, a ti. Tun hma chuan inthlan dawnah mipuiten vote thlak an huphurh \hin nia sawiin, Pu K. Sapdanga chuan tunah erawh boruak a inthlak nasa hle a, mipuiten vote thlak an nghakhlel tawh tih sawiin, hei hian mipuiten ram siam\hat an duh a, roreltu thar an duh tak zet tih a tichiang hle a ni a ti a. Tun hnaia mi \henkhatin vote thlak niah tak tak chuan ram hlui zia tel lo chuan a tlin theih loh tih an hrilh chu mak a tih thu sawiin |angrual pawl chu Pathian duhdana kalphung sorkar din tumtu an nih avangin hetiang lam hawi zawnga nawr lo turin an mi leh sate chu a chah a, chutiang ni lova, ram hlui ziaa kal tura an nawrlui a nih chuan a tawp thlen dawn a ruaiah kawng chanvea an in\hen palh a hlauh thawn thu sawiin, Pathian duh loh zawnga kal tura nawr lui lo turin a ngen a ni.

He inkhawm hi Aizawl East I ZPM Central Block President, Pu Laltlanmawia’n a kaihruai a, Muanna veng MPF Local Forum Chairman, Pu Thanliana Ralte pawhin thusawiin, Political party tinte chu an hmalaknaah MPF duhdana kal tum turin a chah a, Pathian leh mipui zara thlantlin a nih hunah mahni hlawkna emaw, veng chhung hlawkna emaw chauh ngaihtuah lova ram pum tana an rilru leh ngaihtuahna seng \hin turin a chah a ni.