He thu hi vawiina Aizawl Press Club-a thuthar thehdarhtute a kawmnaah sawiin Pu Zosangliana chuan, Chief Minister Pu Lal Thanhawla’n cheng khat pawh eiru lo nia insawi chungin Kolkata-ah cheng vaibelchhe 4 chuang man in a sa niin a sawi a, CM hlawh hmang lovin khawl vek pawh nise he in hi a sak theih loh niin a sawi a, Lottery chungchangah pawh kum 2016 CAG report-in a tarlan danin kum 2012-13 a\anga kum 2014-15 thlengin Lottery hmangin cheng vaibelchhe 11,834 chuang hmuhchhuah a ni a, heta \anga Mizoram sorkara lottery distributor-te’n sum an chhun luh hi cheng vaibelchhe 25 vel chauh a nih thu sawiin a bak cheng vaibelchhe sing chuang chu khawiah nge a awm tih chu an zawhna a ni a ti a, Chief Minister leh a thurualpuite intiamrualin an eiru a nih loh chuan khawiah nge a awm tih a zawt a ni.
Pu Zosangliana chuan, hnam dang company Sunshine Overseas a\anga Pu Lal Thanzara’n zaa 21 vel hlawkna a nei tih hriatchhuah a nih thu te, hemi avang hian he Company-in Mizoram hna a thawhah pawh an nawr ngam loh phah a, kawng \ha Mizoramah a awm theih loh phah nia sawiin sum siam nan zirna lem NIAS-ah Mizo \halai an tirh avanga Minister hial banphah a ngaih thu te, kum 2012-a Mizo Carbon Products Industry hmanga dik lo taka sum tam tak hailuh a ni te, CBI pawh chhuitir ngam lo an nih thu te sawiin, SIPMIU hnuaia Aizawl khawpui hmun 10-a vantlang inthiarna a siamte leh Dihmunzawla 132 KV Sub-Station leh Transmission bunna tur PHE Building \hiahna atana sum uchuak taka hman a ni te chu tute emaw nen a sum siamna hmanrua ni ngeia an ngaihthu sawiin an thil tih dan chu Pu Lal Thanhawla te unau leh Super Minister tia an sawi Pu Zodintluanga ten chhun en lai ngeiin a mipui rawkna leh eiru pawh ni lo ei lang an ni zawk nia an ngaihthu a sawi bawk.
